Mektepter men balabaqshalarda 4,1 myń oryn jetispeıdi.
Almaly aýdanynyń turǵyndarymen kezdesýde qala ákimi Erbolat Dosaev mektepter men balabaqshalarda oryn tapshylyǵyn tómendetý boıynsha josparly jumystar júrgizilip jatqanyn aıtty, dep habarlaıdy Almaty-akshamy.kz
Bıylǵy jyly №34 jáne 144 gımnazıalarǵa 850 oryndy eki qosalqy nysan paıdalanýǵa berildi. №15 gımnazıany seısmıkalyq kúsheıtý boıynsha kúrdeli jóndeý jumystary bastaldy. №16 mektepke qosalqy nysan salýǵa jobalyq qujattamany ázirleý josparda bar. Mektepke deıingi bilim berý obektileri boıynsha №43 balabaqsha ǵımaratynyń buryn jekeshelendirilgen bóligi satyp alyndy. Oqý jylynyń basyna deıin №7 balabaqshanyń seısmıkalyq turaqtylyǵyn kúsheıtý aıaqtalady.
Muratbaev-Jibek joly kóshelerindegi balabaqshanyń burynǵy ǵımaratyn jeke menshikten qaıtarý jáne Tilendıev kóshesindegi burynǵy balabaqshany qalpyna keltirý máselesi qarastyrylýda.