Bıyl "Saıaly" shaǵynaýdanynda 160 oryndyq balabaqshanyń qurylysy bastaldy.
Ony qurylysyn 2023 jyldyń naýryz aıynda aıaqtaý qarastyrylyp otyr. Bul jóninde qala ákimi Erbolat Dosaevtyń Alataý aýdanynyń halqymen ótken kezdesýde belgili boldy, dep habarlaıdy Almaty-akshamy.kz.
«Qazirgi ýaqytta "Zerdeli" shaǵynaýdanynda dene shynyqtyrý-saýyqtyrý kesheni salynyp jatyr. 2023 jyldyń naýryz aıynda aıaqtaý josparda.
Balalardy synyptan tys oqytýmen qamtý kólemin odan ári arttyrý úshin qazirgi ýaqytta kópsalaly Inovasıalyq shyǵarmashylyq ortalyq (Oqýshylar saraıy) salynýda. Oǵan 5 myńnan astam bala baratyn bolady. Qurylysy 2023 jyldyń II toqsanynda aıaqtalady», - dedi qala ákimi Erbolat Dosaev.
Sonymen qatar, Qarasý turǵyndarynyń tilekterin eskere otyryp, shahar basshysy Mádenıet úıiniń ǵımaratyn satyp alý týraly tapsyrma berdi. Qajetti qarjy (483 mln. teńge) bólindi, ǵımaratty satyp alý jumystary júrip jatyr.
«Jyl sońyna deıin onda keminde 10 shyǵarmashylyq jáne bilim berý seksıasyn ashamyz jáne kún saıyn 150-ge jýyq búldirshinderimiz osy seksıalarǵa qatysa alady», - dedi qala basshysy Erbolat Dosaev.