Bul másele Almaty ákiminiń Alataý aýdanynyń turǵyndarymen kezdesýinde kóterildi.
Almaty ákimi Erbolat Dosaev aýdan jurtshylyǵymen kezdesti, dep habarlaıdy Almaty-akshamy.kz.
"Zerdeli" shaǵynaýdanyndaǵy máselelerge arnaıy toqtalýdy jón kórip otyrmyz. Ótken kezdesýlerde shaǵynaýdan turǵyndary balalarǵa qaýip tóndiretin salynyp bitpegen eki kóp qabatty úıge jáne úılerdiń seısmıkalyq kúsheıtý jumystaryn aıaqtaý qajettiligine qatysty alańdaýshylyq bildirdi. Turǵyndardyń ótinishi boıynsha osy jyldyń sońyna deıin aýdandaǵy apatty úılerdi buzý týraly sheshim qabyldandy. Olardyń ornyna jasyl saıabaq aımaǵy men balalar alańyn salý josparlanǵan», - dedi qala ákimi Erbolat Dosaev.
Sondaı-aq, turǵyndardyń ótinishteri boıynsha bıyl shaǵynaýdandaǵy 63 úıdiń qasbetteri syrlanady. Qajetti qarjylandyrý bólindi, merdiger uıym anyqtaldy. Jumystar tamyz aıynda bastalyp, aǵymdaǵy jyldyń qarasha aıynda aıaqtalady.
Shaǵynaýdandaǵy úılerdi jóndeý jumystary júrgizilip, qıraǵaly turǵan úıler máselesi sheshiledi. Búgingi kúni barlyǵy 30 úıdiń 23-i boıynsha nyǵaıtý jumystary aıaqtaldy. Qalǵan 7 úı boıynsha jumystar aǵymdaǵy jyldyń jeltoqsanyna deıin aıaqtalady.
Sondaı-aq, turǵyndardyń ótinishi boıynsha bıylǵy jyldyń tamyz aıynan bastap Momyshuly kóshesiniń qasyndaǵy jerústi jaıaý júrginshiler ótkeliniń lıftilerin qalpyna keltirý jumystary bastalady. Merdiger uıym anyqtaldy, jumystar aǵymdaǵy jyldyń qazan aıynda aıaqtalady.