Mamandar resmı málimet berdi.
Ekonomıkalyq resýrstardyń zańsyz shoǵyrlanýyna qarsy is-qımyl máseleleri jónindegi vedomstvoaralyq komısıa syrtqa zańsyz shyǵarylǵan aktıvterdi elge qaıtarý baǵytynda atqarylǵan sharýalar týraly resmı málimet berdi, dep habarlaıdy Almaty-akshamy.kz QazAqparatqa silteme jasap.
«Komısıa ekonomıkalyq resýrstardy zańsyz shoǵyrlandyrýǵa qarsy is-qımyl máseleleri boıynsha tergep-tekserý organdarynyń kúsh-jigerin úılestirýdi qamtamasyz etýde. İri mólsherde, onyń ishinde shetelde qylmystyq kiristi zańdastyrý belgileri bar neǵurlym rezonanstyq isterdi tergep-tekserý erekshe baqylaýda. Bul - Q.Satybaldyulyna, G.Satybaldyǵa, Q.Boranbaevqa, «ÓKM» JSHS operatorynyń basshylaryna qatysty jáne basqa ister. Qazirgi ýaqytta tergep-tekserý organdary qabyldaǵan sharalarmen shamamen 230 mlrd teńge, onyń ishinde olardy sheteldik ıýrısdıksıalardan qaıtarý jolymen óteldi», - dep jazylǵan komısıanyń málimetinde.
Sondaı-aq, sybaılas jemqorlyqqa qarsy qyzmet tergep-tekserip jatqan is boıynsha aıyptalýshylar Lúksembýrgten 170 mln AQSH dollaryn óz erkimen qaıtarǵany aıtylǵan.
«Tergep-tekserý organy «Qazaqtelekom» AQ, «Kóliktik servıs ortalyǵy» AQ jáne basqa múlikti jymqyrý isteri boıynsha shamamen 36 mlrd teńgeni ótetti. ÓKM Operatory isi boıynsha shamamen 180 mlrd teńgeni jymqyrýdyń joly kesildi («ÓKM» JSHS shotynan «Jasyl Damý» AQ-nyń (memlekettik uıym, «ÓKM Operatory» JSHS aksıalarynyń 100%-yna ıelik etedi) shotyna aýdaryldy), onyń shamamen 100 mlrd teńgesi jeńildikti avtonesıeleýge baǵyttaldy», - delingen resmı aqparatta.