Qazaqstandyqtar kezekti qarjy pıramıdasynyń arbaýyna túsip qaldy.
Búginde «World Business Consulting» uıymyna qatysty tergeý amaldary júrip jatyr, dep habarlaıdy Almaty-akshamy.kz
QR Qarjylyq monıtorıń agenttiginiń málimetinshe, Almaty qalalyq aýmaqtyq departamenti «World Business Consulting» qarjy pıramıdasyn uıymdastyrǵandarǵa qatysty tergeý jumystaryn qolǵa aldy. Olar qarjylyq alaıaqtyqpen aınalysqan dep aıyptalýda. Kompanıa ókilderi shetelde júrip qazaqstandyqtarmen Zoom platformasy arqyly onlaın júzdesip, olardy óz quryǵyna túsirip otyrǵan. Kompanıa sheteldik birqatar affırlengen fırmanyń ınvestısıalyq jobalaryna aqsha quıýǵa úndegen. Biraq odan ári salymshylar aqshalaryn kórmegen.
«Azamattar jeńil tabys tabý úshin óz qarjylaryn pıramıdalyq uıymǵa quıǵan. Onyń ishinde qarjylaı, materıaldyq jáne jyljymaıtyn múlik te bar. Aqsha qarajattary keıin bólingen», - dedi Almaty qalalyq aýmaqtyq departamenti Tergeý basqarmasynyń basshysy Sáken Qondybaev.
Osy oraıda «World Business Consulting» uıymynan zardap shekken azamattar +7 775 923 40 90, +7 708 192 28 18 telefon nómirlerine habarlasa alady.