Almatyda jezókshelikpen aınalysqan 15 prıton joıyldy, – dep habarlaıdy almaty-akshamy.kz Polisia.kz silteme jasap.
Aqshalaı syıaqy alý úshin ıntımdik qyzmet kórsetetinderdiń zańsyz áreketterin anyqtaý jáne jolyn kesý maqsatynda júrgizilgen reıdtik is-sharalar barysynda demalys kúnderi polısıa qyzmetkerleri jezóksheler úıin anyqtady. Ol Tynyshbaev kóshesindegi páterlerdiń birinde ornalasty.
– Jyl basynan beri osyndaı 15 oryn anyqtaldy, olardyń ıeleri qasaqana jezókshelikpen aınalysýǵa mekeme bergeni úshin jaýapkershilikke tartyldy. Sondaı-aq, ıntımdik qyzmet kórsetken 484 áıelge ákimshilik shara qoldanyldy. Olardyń kópshiligi qıyn qarjylyq jaǵdaılarynyń kesirinen jezókshelikpen aınalysýǵa májbúr bolǵanyn aıtty. Negizi, ishimdik iship, qoǵamǵa jat ómir saltyn ustanatyndar bul kásippen jıi aınalysady, – deıdi Túrksib aýdandyq Polısıa basqarmasynyń bastyǵy Erkin Amantaev. Spıker polısıa qyzmetkerlerimen kún saıyn naqty reıdter júrgiziletinin atap ótti. Aıta keteıik, quqyq buzýshylar arasynda Qazaqstan Respýblıkasynyń kóshi-qon zańnamasyn buzǵan shetel azamattary jıi kezdesedi. Sot sheshimimen olar elden shyǵarylady.