Veloshabandozdar 24 km qashyqtyqty 26 mınýt 48.933 sekýndta baǵyndyrdy.
Shosedegi velosporttan Qazaqstannyń erler quramasy Azıa chempıony atandy, dep habarlaıdy Almaty-akshamy.kz.
«Búgin Tájikstan astanasy Dýshanbede shosedegi velosport boıynsha Azıa chempıonaty bastaldy. Qazaqstan qurama komandasy komandalyq jarysta top jaryp, qurlyqtyq birinshiliktiń «altynyna» ıe boldy», - delingen Qazaqstannyń velosıped sporty federasıasynyń áleýmettik jelidegi habarlamasynda.
Komandalyq jarysqa el quramasy sapynda Evgenıı Fedorov, Igor Chjan, Iýrıı Natarov jáne Evgenıı Gıdıch synǵa tústi. Veloshabandozdar 24 km qashyqtyqty 26 mınýt 48.933 sekýndta baǵyndyrdy. Jarys qorytyndysy boıynsha, Mońǵolıa quramasy ekinshi bolsa, Iran quramasy úzdik úshtikti qorytyndylady.
Posmotret etý pýblıkasıý v Instagram
Sondaı-aq Azıa chempıonatyna qatysqan velosporttan Qazaqstannyń áıelder quramasy «kúmis» medalǵa ıe boldy. El namysyn Rınata Sýltanova, Faına Potapova, Mahabbat Úmitjanova jáne Anjela Soloveva qorǵady. Sportshy qyzdar 24 shaqyrymdy 32 mınýt 24.015 sekýndta eńserdi.
Birinshiliktiń chempıony Ózbekstan quramasy boldy.
Posmotret etý pýblıkasıý v Instagram