Áskerıler 28 qarashaǵa deıin vaksına saldyryp úlgerý kerek
AQSH-ta koronavırýsqa qarsy egilmegen áskerı qyzmetshiler jumystan shyǵarylady. Bul týraly Qazaqstanda COVID-19 taralýyna jol bermeý jónindegi vedomstvoaralyq komısıa málimdedi, dep habarlaıdy Almaty-akshamy.kz.
AQSH-ta 28 qarashaǵa deıin koronavırýsqa qarsy vaksına almaǵan áskerı qyzmetshiler jumystan shyǵarylady. Áskerı-teńiz kúshteriniń rezervinde turǵandar da vaksına alýǵa mindetti, olar úshin sońǵy merzim — 28 jeltoqsan. Qazirgi ýaqytta Amerıka qorǵanys vedomstvosynyń málimetinshe, áskerı-teńiz kúshteriniń 94% COVID-19 vaksınasıasynyń tolyq kýrsynan ótti.
Ýkraınada memlekettik mekemeler, mańyzdy salalardaǵy kásiporyndardyń qyzmetkerleri, áleýmettik qyzmetkerler men poshtashylar koronavırýsqa qarsy vaksına alýy tıis. Eldiń densaýlyq saqtaý mınıstrliginiń basshysy Vıktor Láshko budan ári tizimge jergilikti ózin-ózi basqarý organdarynyń, komýnaldyq kásiporyndardyń, mýnısıpaldyq mekemelerdiń qyzmetkerleri engizilýi múmkin ekenin aıtty.
Italıada jumys oryndaryna kirý úshin mindetti COVID-sertıfıkattary qoldanyla bastady. Green pass elektrondyq sertıfıkattaryn engizý týraly sheshim bir aı buryn maquldandy. Italıada azamattardyń 80,8% koronavırýsqa qarsy tolyǵymen egildi, al turǵyndardyń 85% astamy vaksınanyń bir dozasyn aldy.