Ánshiniń mereıtoılyq konserti aldaǵy ýaqytta Máskeýde ótedi
Almatyda Álibek Dinishevtiń 70 jyldyq mereıtoıyna arnalǵan jeke konserti ótti, dep habarlaıdy Almaty-akshamy.kz QazAqparat agenttigine silteme jasap.
Konsert Abaı atyndaǵy Qazaq ulttyq akademıalyq opera jáne balet teatrynyń zalynda ótti.
Konserttik baǵdarlamaǵa Aleksandr Belákovtyń jetekshiligimen Almaty ákiminiń estradalyq-sımfonıalyq orkestri qatysty.
Konsert barysynda qazaq, orys halyq ánderi, sondaı-aq, álemdik klasıkalyq shyǵarmalar oryndaldy. Sonymen birge, mereıtoı ıesi jańa týyndylaryn da oryndady.
Ánshiniń bul konserti 22 qazanda Nur-Sultandaǵy «Astana Opera» memlekettik opera jáne balet teatrynda jáne qarasha aıynda Máskeý qalasynda ótkizý josparlanǵan.
Álibek Musauly Dinishev - KSRO Halyq ártisi jáne Qazaq KSR-i men Qazaqstannyń Halyq ártisi, Qazaqstannyń Eńbek Eri. Qazaqstan Respýblıkasy Tuńǵysh Prezıdentiniń Memlekettik beıbitshilik jáne rýhanı kelisim syılyǵynyń laýreaty.