Buǵan deıin 200-deı basshy jazalanǵan
QR Bilim jáne ǵylym mınıstri Asqat Aımaǵambetov Semeıde muǵalimderdi kóshe tazalaýǵa jibergenderge qatysty túsinik berdi, dep habarlaıdy Almaty-akshamy.kz.
Buǵan deıin otandyq BAQ-ta Semeı qalasynda muǵalimderdi kóshe tazalaý jumysyna tartqany týraly málimet taraǵan.
Semeı qalasynda oqý prosesine kedergi keltirip, muǵalimderdi kóshe sypyrýǵa jibergen. Shamasy, mundaı tapsyrmany qala ákiminiń orynbasary berip, osyndaı mazmundaǵy hat mektepterge taratylǵan, -dep jazdy mınıstr facebook-tegi paraqshasyna.
Onyń aıtýynsha, 2019 jyldyń jeltoqsanynda qabyldanǵan Zań sheńberinde pedagogterdi ózine tán emes fýnksıalarǵa tartýǵa tyıym salynady. Sodan beri muǵalimder tek tikeleı fýnksıonaldyq mindettermen aınalysýy kerek ekenin túsiný úshin ýaqyt jetkilikti bolǵan.
Mundaı buzýshylyqtar úshin eki júzge jýyq basshy jazalandy. Olar tártiptik jáne ákimshilik jaýapkershilikke tartylyp, tipti jumystan shyǵaryldy. Semeı qalasyndaǵy oqıǵaǵa baılanysty bilim berý salasyndaǵy sapany qamtamasyz etý departamenti ákimshilik is qozǵap, tekserý júrgizilip jatyr. Qala ákimi orynbasarynyń bul jaǵdaıǵa qatystylyǵy rastalǵan jaǵdaıda, atalǵan laýazymdy tulǵa jáne ózge tulǵalar ákimshilik jaýapkershilikke tartylady,-dep jazdy A. Aımaǵambetov.
Sondaı-aq ol qajetti sharalar qabyldaý úshin Memlekettik qyzmet isteri agenttigine júginetinderin jáne qalalyq bilim bóliminiń basshysy da jaýapkershilikke tartylady málimdedi.