Úndistan balalardy vaksınalaý úshin Bharat Biotech preparatyn maquldady
Úndistan bıligi Bharat Biotech kompanıasynyń Covaxin preparatyn shuǵyl túrde qoldanysqa engizýge ruqsat etti, dep habarlaıdy Almaty-akshamy.kz
TASS agenttiginiń aqparatyna sáıkes, bul vaksına 2-den 18 jasqa deıingi balalarǵa egiledi. Bul týraly India Today gazeti habarlaǵan.
«Egjeı-tegjeıli talqylaýdan keıin profıldi (beıindik) komıtet ekiden 18 jasqa deıingi jas aralyǵyndaǵy azamattar tobynyń vaksınasıalanýy úshin preparatty qoldanýǵa shuǵyl túrde ruqsat etti», - dep keltirdi basylym Úndistannyń beıindi komıtetiniń málimdemesinen.
Birinshi jáne ekinshi vaksınasıa arasyndaǵy aralyq 20 kúndi quraıdy dep atap ótildi.
Úndistannyń Densaýlyq saqtaý jáne otbasylyq ál-aýqat mınıstriliginiń málimetteri boıynsha, Pandemıa kezinde bul elde koronavırýs juqtyrýdyń 33,9 mln jaǵdaıy tirkelgen, 450 myńnan astam adam bul indetten kóz jumsa, 33 mln astam naýqas emdelip shyqqan. Úndistan halqy - 1,3 mlrd adamdy quraıdy.