Aǵymdaǵy jyldyń shilde aıynda Astana, Shymkent qalalarynda, Atyraý, Jambyl oblystarynda UQK prokýratýranyń úılestirýimen jáne polısıa kómegimen dinı radıkaldardyń áreketteriniń jolyn kesý boıynsha is-shara ótkizdi.
Jedel qyzmetkerler terorıstik áreketterge qatysýǵa, terorızmdi nasıhattaýǵa, ekstremıstik áreketterdi uıymdastyrýǵa jáne osy maqsatta adamdardy tartýǵa kúdikti retinde Qazaqstannyń 4 azamatyn men 1 sheteldikti ustady jáne qamaýǵa aldy.
Olardyń turǵylyqty jerlerinen kóptegen dinı-ekstremıstik ádebıetter men ózge de zattaı dáleldemeler alyndy.
Aıta ketý kerek, kúdiktilerdiń biri buǵan deıin shet memlekettiń aýmaǵynda soǵys áreketterine qatysyp, ol úshin Qazaqstanda sottalǵan bolatyn.
"Taǵy ekeýine qatysty "aýyr" esirtkini únemi qoldanǵany týraly aqparat tekserilýde. Qylmystyq kodekstiń 256, 257, 259 jáne 405-baptary boıynsha sotqa deıingi tergep-tekserý júrgizilýde."UQK baspasóz qyzmeti
Qylmystyq-prosestik kodekstiń 201-babynyń 1-bóligine sáıkes ózge de aqparat jarıa etilýge jatpaıdy.