Ortalyq komýnıkasıalar qyzmetiniń alańynda ótken brıfıń barysynda Almaty qalasynyń ákimi Darhan Satybaldy týrızmdi damytýdaǵy negizgi qıyndyq – týrıserge arnalǵan ınfraqurylymnyń jetkiliksizdiginen bolyp otyrǵanyn málimdedi.
Ákimniń aıtýynsha, Almaty taý klasterine kún saıyn keletinderdiń sany onyń bir mezette qabyldaı alatyn shekti mólsherinen kóp. 2025 jyly İle-Alataý ulttyq parkine 901 myń týrıs kelse, "Shymbulaq" kýrortyna 1,1 mln adam barǵan. Demalys jáne mereke kúnderi kelýshiler sany táýligine 15 myń adamǵa deıin jetip, bul trassa men aspaly joldarǵa shamadan tys júkteme túsirip, qyzmet kórsetý sapasynyń tómendeýine alyp keledi.
"Osy máselelerdi sheshý úshin "Shymbulaq" pen "Oı-Qaraǵaı" kýrorttaryn aspaly jol arqyly biriktiretin Almaty taý klasterin damytý jobasy júzege asyrylyp jatyr. Joba sheteldik týrıser sanyn 1 mln adamǵa deıin arttyrýǵa múmkindik beredi, al qalanyń ekonomıkasyna jyl saıynǵy úles 300 mlrd teńge kóleminde kiris ákeledi dep baǵalanyp otyr. Sonymen qatar Almaty halyqaralyq áýejaıyn jańǵyrtý jumystary bastaldy. Bul jobaǵa 362 mıllıon dollar kóleminde ınvestısıa tartylyp, áýejaıdyń jolaýshy qabyldaý múmkindigi 19 mıllıon adamǵa deıin artady. Buǵan qosa, qalada 3 664 nómirge arnalǵan qonaq úıler men týrısik nysandardy salý boıynsha 25 joba júzege asyrylyp jatyr", – dedi Darhan Satybaldy.