Bul týraly Ortalyq komýnıkasıalar qyzmetiniń alańynda ótken brıfıń barysynda Almaty qalasynyń ákimi Darhan Satybaldy málimdedi.
Almatynyń 2026-2030 jyldarǵa arnalǵan jańa damý jospary Memleket basshysy aıqyndaǵan strategıalyq mindetterge negizdelgen. Qujat shahardyń ornyqty damýyn qamtamasyz etýge baǵyttalǵan.
Negizgi basymdyqtar qatarynda kólik júıesin jan-jaqty damytý, qolaıly qalalyq ortany qalyptastyrý, áleýmettik turaqtylyqty nyǵaıtý, ekologıalyq bastamalardy qoldaý, sıfrlyq transformasıany jedeldetý jáne qaýipsizdik deńgeıin arttyrý kózdelgen.
"Aldaǵy bes jyl ishinde Almatynyń jalpy óńirlik ónim kólemin 70 trln teńgege deıin, ıaǵnı shamamen eki esege ulǵaıtý josparlanyp otyr", – dedi qala basshysy.