Bul týraly Ortalyq komýnıkasıalar qyzmetiniń alańynda ótken brıfıń barysynda Almaty qalasynyń ákimi Darhan Satybaldy málimdedi. Shahar basshysy mádenıet qalanyń mańyzdy áleýmettik quramdas bóligi ǵana emes, sonymen qatar onyń ınvestısıalyq tartymdylyǵyn arttyratyn eleýli qundylyq ekenin atap ótti.
Ákimniń aıtýynsha, 2028 jylǵa deıin Qazaq memlekettik sırkin, Almaty haıýanattar baǵyn, Sas atyndaǵy memlekettik akademıalyq balalar men jasóspirimder teatryn, sondaı-aq Qazaqstan Jazýshylar odaǵynyń ǵımaratyn qaıta jańǵyrtý josparlanǵan.
"Qalada jyl saıyn keminde 40 iri mádenı-buqaralyq is-shara ótkizilip, turǵyndardy mádenı ómirge keńinen tartýǵa jáne zamanaýı mádenı keńistik qalyptastyrýǵa baǵyttalady", – dedi Darhan Satybaldy.
Sondaı-aq salaýatty ómir saltyn keńinen nasıhattaý maqsatynda sporttyq ınfraqurylymdy jańǵyrtý jumystary jalǵasady. 2027 jylǵa deıin «Medeý» bıik taýly sport keshenin qaıta jańǵyrtý josparlanǵan. Negizgi jobalardyń biri – UEFA talaptaryna saı, 45 myń kórermenge arnalǵan jańa stadıon salý. Nysan qurylysyn 2027 jyly aıaqtaý kózdelip otyr.