2026 jyldyń 13 qańtarynda Mūhtar Áuezov atyndaǵy Qazaq ūlttyq drama teatrynyń qūrylǵanyna 100 jyl tolady. Osyǵan oraı atalǵan kúní Qazaqstan Respublıkasynyń Ūlttyq kítaphanasynda saǵat 15:00-de «Tūńǵysh ūlt teatryna 100 jyl: dástúr, jańashyldyq jáne kórkemdík transformatsıya» atty halyqaralyq ǵylymı-zertteu konferentsıyasy ótedí. Shara ayasynda teatr muzeıí «Ǵasyr jasaǵan Ūlt teatry» atty kórmení ūsynady.
1926 jyly qazaq teatrynyń shymyldyǵy “Eńlík–Kebek” spektaklímen ashylǵan edí. Araǵa júz jyl uaqyt salyp, búgín sol tarıhı dástúr jalǵasyn tauyp, tarıhı kún ayasynda “Eńlík–Kebek” spektaklí qaıta sahnalanǵaly tūr.
Sol kúní saǵat 19:00-de M. Lermontov atyndaǵy Ūlttyq orys drama teatrynyń sahnasynda M. Áuezovtíń «Eńlík – Kebek» tragedıyasy sahnalanady. Kórsetílím ayasynda teatr muzeıí «Ūlttyq teatrdyń bastauy – “Eńlík – Kebek” qoıylymy» atty kórmení ūsynady.
Teatr 1926 jyly Qyzylorda qalasynda alǵashqy kásíbı qazaq teatry bolyp qūrylǵan sátten bastap, ǵasyr boıy halqymyzdyń asyl mūrattaryn, ūlttyq qūndylyqtaryn sahna arqyly ūrpaq sanasyna síńíríp keledí.
Shyn mánínde qazaq ruhanıyatynyń qarashańyraǵyna aınalǵan būl óner ordasynda «Eńlík – Kebek», «Abaı», «Qobylandy», «Qaragóz», «Aıman – Sholpan» sekíldí taǵy basqa halqymyzdyń ruhanı ózegíne aınalǵan jauhar tuyndylar qoıylyp, kórermenníń zor yqylasyna bólendí. Teatrdyń shyǵarmashylyq mūrasy – ūlttyń ruhanı aınasy, halyqtyń jan dúnıesín beıneleıtín tírí shejíre. Teatrdyń negízín qalaǵan Serke Qojamqūlov, Qalıbek Quanyshbaev, Elubaı Ómírzaqov, Qapan Badyrov, Qūrmanbek Jandarbekov, Isa Baızaqov, Ámíre Qashaubaev, Qajymūqan Mūńaıtpasov syndy tūlǵalardyń ruhanı amanatyn keıíngí buyn laıyqty jalǵastyryp keledí. Búgíngí teatr ūjymy — kásíbı deńgeıí joǵary, jańashyl oılaıtyn, dástúr men zamanauı ónerdí úılestíre bílgen shyǵarmashyl top.
Óner ūjymynyń sahnadaǵy árbír eńbegí – kórermenníń júregíne jol tauyp, ūlttyń ruhanı tūtastyǵyn kúsheıtetín mańyzdy jūmysqa aınaldy. Teatr tek qoıylym men sahna ǵana emes, ol – sana tárbıeleıtín, oı oyatatyn, eldík pen bírlíkke shaqyratyn úlken óner mektebí. Osy mıssıyany Mūhtar Áuezov atyndaǵy teatr ūjymy ǵasyr boıy abyroımen atqaryp, búgíngí kúní de ruhanı kemeldíkke úndeıtín, qoǵammen úndese damıtyn, ūlttyq mádenıettíń tūǵyryn nyǵaıtatyn shyǵarmashylyq orda retínde óz mártebesín bıík ūstap keledí.
• 1928 jyly teatr Almatyǵa kóshíp, jańa buyn akterlermen tolyqty.
•1937 jyly 27 aqpanda akademıyalyq teatr mártebesín aldy.
•1946 jyly «Eńbek Qyzyl tu» ordenímen marapattaldy.
•1976 jyly «Halyqtar dostyǵy» ordenímen marapattaldy.
•1961 jyly teatr jazushy, ǵalym Mūhtar Omarhanūly Áuezovtíń esímín ıelendí.
•2020 jyldyń 20 jeltoqsanynda Qazaqstan Respublıkasynyń prezıdentí Qasym-Jomart Kemelūly Toqaevtyń Jarlyǵymen teatrǵa ŪLTTYQ mártebesí beríldí.
2026 jyly 13 qańtar saǵat 15:00-de halyqaralyq ǵylymı konferentsıya.
Ótetín jerí: Almaty qalasy, QR Ūlttyq kítaphanasy.
2026 jyly 13 qańtar 19:00-de M. Áuezovtíń «Eńlík – Kebek» tragedıyasy.
Ótetín jerí: M. Lermontov atyndaǵy Ūlttyq orys drama teatry.