2025 jyldyń III toqsanynda Qazaqstan Respublıkasynda aılyq jalaqynyń ortasha mání 429 368 teńge boldy. Būl kórsetkísh 2024 jyldyń sáıkes kezeńímen salystyrǵanda 10,0%-ǵa joǵary. Aqshamnews.kz tílshísí Ūlttyq statıstıka byurosynyń derekteríne súıene otyryp, jalaqynyń bıyl qalaı ózgergenín, qaı salada ósím baryn, qaı óńír alda ekenín zerttep kórdí.
Al jalaqynyń medıanalyq mání 302 584 teńge bolyp baǵalandy.
Medıanalyq jalaqy – qazaqstandyqtardyń ortasha jalaqy túrleríníń bírí. Medıanalyq jalaqy tólemí tsıfrí eldegí jūmyskerlerdíń 50%-y azyraq, al 50%-y – odan kóbírek alatynyn bíldíredí. Osydan, nelíkten kóptegen maman medıanalyq jalaqyny naqty ortasha jalaqy dep esepteıtíní túsíníktí – ol bízdíń elímízdíń ortasha statıstıkalyq azamatyna tıesílí jáne ortasha arıfmetıkalyq jalaqyǵa qaraǵanda ekonomıkalyq realııdí jaqsyraq kórsetedí.
Mysal:
Kompanıyanyń shtat qūramy – bes adam. Basshy aıyna 600 myń teńge alady, basqa qyzmetkerlerdíń aılyǵy: 450 myń, 200 myń, 170 myń, 150 myń teńge. Būl jerde jalaqynyń medıanalyq mání – 200 myń teńge, sebebí ekí qyzmetker kóbírek (600 jáne 450 myń teńge), al ekeuí azyraq (170 jáne 150 myń teńge) alady.
Aıta keteıík, 2025 jylǵy 1 qańtardan bastap eń tómengí jalaqy 85 000 teńge deńgeıínde belgílengen.
Jalaqy dınamıkasy
Toqsandar boıynsha jalaqy ózgerísín nazar audarsaq, 2025 jyldyń III toqsanynda ortasha atauly jalaqy ótken toqsanmen salystyrǵanda 95,7% bolsa , byltyrdyń sáıkes kezeńíne shaqqanda 110,0% deńgeıínde qalyptasty.
Naqty jalaqy ındeksí (ınflyatsıyany eskere otyryp) 2024 jyldyń III toqsanyna qaraǵanda 98% boldy, būl naqty tabystyń bírshama tómendegenín kórsetedí.
Óńírler boıynsha jalaqy ósímí
2024 jyldyń III toqsanymen salystyrǵanda, 2025 jyldyń III toqsanynda ortasha aılyq atauly jalaqynyń eń joǵary ósímí myna óńírlerde tírkeldí:
- Jetísu oblysy - 18,1%
- Almaty qalasy - 15,9%
- Astana qalasy - 13,0%
- Pavlodar oblysy - 12,4%
- Aqmola oblysy - 11,7%
Būl óńírler ekonomıkalyq belsendílík pen eńbek naryǵyndaǵy sūranystyń joǵary ekenín kórsetíp otyr.
Salalar boıynsha jalaqy deńgeıí
2025 jyldyń III toqsanynda eń joǵary ortasha aılyq jalaqy kelesí salalarda tírkeldí:
- Tau-ken óndíru ónerkásíbí jáne karerlerdí qazu - 922 274 teńge
- Qarjy jáne saqtandyru qyzmetí - 883 611 teńge
- Aqparat jáne baılanys - 818 114 teńge
- Kólík jáne jınaqtau - 625 844 teńge
- Ónerkásíp - 622 371 teńge
Atalǵan salalardaǵy jalaqy respublıkalyq ortasha deńgeıden 1,5-2,1 ese joǵary.
Al ortasha jalaqy deńgeıí tómen salalar qataryna:
- Bílím beru - 290 891 teńge
- Óner, oıyn-sauyq jáne demalys - 305 088 teńge
- Densaulyq saqtau jáne halyqqa áleumettík qyzmet kórsetu - 328 504 teńge
- Auyl, orman jáne balyq sharuashylyǵy - 335 982 teńge jatady.
Jalaqy ósímí joǵary jáne tómen salalar
2024 jyldyń sáıkes toqsanymen salystyrǵanda jalaqynyń eń joǵary ósímí:
- Aqparat jáne baılanys - 21,5%
- Auyl, orman jáne balyq sharuashylyǵy - 18,4%
- Kólík jáne jınaqtau - 17,6%
Al jalaqy ósímí eń tómen salalar:
- Qūrylys - 2,5%
- Densaulyq saqtau jáne áleumettík qyzmetter - 5,0%
- Tūru jáne tamaqtanu qyzmetterí - 6,2%
Bos jūmys oryndary kóbeıgen
2025 jyldyń III toqsanynyń sońynda kásíporyndar men ūıymdardaǵy bos jūmys oryndarynyń sany - 63 871 bírlík. Būl ótken toqsanmen salystyrǵanda 1 572 orynǵa artyq.
Salalyq qūrylymda bos oryndardyń úlesí:
- Ónerkásípte - 28,9%
- Memlekettík basqaru jáne qorǵanys salasynda - 15,5%
- Kóterme jáne bólshek saudada - 10,6%
Óńírler boıynsha bos jūmys oryndarynyń sany eń kóp tírkelgen aımaqtar:
- Almaty qalasy - 15 471 oryn
- Astana qalasy - 7 550 oryn
- Pavlodar oblysy - 6 800 oryn
2025 jyldyń III toqsanyndaǵy derekter Qazaqstanda atauly jalaqynyń ósuí saqtalǵanyn kórsetkenímen, naqty jalaqy ındeksíníń tómendeuí ınflyatsıyalyq qysymnyń bar ekenín ańǵartady. Sonymen qatar, óńírler men salalar arasyndaǵy jalaqy aıyrmashylyǵy álí de aıqyn baıqalady.
Sarapshylardyń píkírínshe, eńbek naryǵyndaǵy teńgerímdí qamtamasyz etu, áleumettík salalardaǵy jalaqyny arttyru jáne kadr tapshylyǵy baıqalatyn óńírlerde jūmys oryndaryn kóbeıtu aldaǵy kezeńníń basty míndetteríníń bírí bolyp qala beredí.