Aımaǵambetovtiń aıtýynsha, kóshbasshy eldermen salystyrǵanda Qazaqstanda jazǵy kanıkýl tym uzaq.
Oqý-aǵartý mınıstri Asqat Aımaǵambetov oqý jylynyń uzartylýyna qatysty pikir bildirdi, - dep habarlaıdy Almaty-akshamy.kz
Mınıstr jergilikti atqarýshy organdarmen birlesip, jańa oqý jylyna daıyndyq jumystary júrgizilip jatqanyn aıtty.
«3,6 mıllıon oqýshyny qamtıtyn 7 637 mektep bar. Oqý jyly 1 qyrkúıekte bastalady, uzaqtyǵy - 36 apta, ıaǵnı jaz mezgili balalar kanıkýly bolady», - dedi Aımaǵambetov Úkimet otyrysynda.
Ol bilim berý salasyndaǵy kóshbasshy eldermen salystyrǵanda Qazaqstanda jazǵy kanıkýl eń uzaq ekenin aıtty.
«Demalys jáne mereke kúnderimen qosa balalar jyl boıy 192 kún demalady, al 173 - bir jyldaǵy oqý kúnderiniń sany. Biz zertteý jáne taldaý júrgizdik jáne birinshi synyp oqýshylarynyń úsh tildi meńgerýi qıyn ekenin kórdik, sondyqtan ekinshi jáne úshinshi tildi meńgerý úshin bala eń aldymen óz ana tilinde oqyp, jazýdy úırenýi kerek degen sheshimge keldik», - dedi vedomstvo basshysy.
Osylaısha, memlekettik tilde oqytatyn mektepterde birinshi synyptan bastap balalar tek qazaq tilin, ekinshi synyptan bastap orys tilin oqýdy bastaıdy.
«Barlyq mektepte úshinshi synyptan bastap oqýshylar aǵylshyn tilin meńgeredi. Sonymen qatar, balalardy eńbekke baýlý maqsatynda birinshi synyptan bastap «eńbekke baýlý» jáne «beıneleý óneri» pánderi engiziledi», - dedi mınıstr.
Premer-mınıstr oqý jylynyń uzarýynan qandaı nátıje kútiletinin surady.
«Bul bir jaǵynan oqýshylarǵa túsetin júktemeni azaıtsa, ekinshi jaǵynan oqý prosesi 31 mamyrda aıaqtalady. 1,5 mıllıon bala bes kúndik oqý aptasyna óte almady. Endi bizde qosymsha 36 kún kanıkýl bolady, balalar ony óz qalaýynsha paıdalana alady. 100-den asa mektepte úsh aýysymda jumys isteý qaýpi boldy. Degenmen, ınovasıalardyń kelýimen olar eki aýysymda jumys isteıtin bolady», - dep jaýap berdi Aımaǵambetov.
Sóz sońynda oqý-aǵartý mınıstri engizilgen ózgerister arqasynda 1,5 mıllıon balada 36 kún qosymsha demalý múmkindigi bolatynyn basa aıtty. Premer-mınıstr bul usynystardy Úkimet qoldaıtynyn málimdedi.