Almaty qalasy memlekettik aktıvter basqarmasynyń basshysy bolyp Abzal Egemberdıev taǵaıyndaldy dep habarlaıdy almaty-akshamy.kz
Abzal Egemberdıev 2000 jyly Qazaq memlekettik zań akademıasyn, 2006 jyly T. Rysqulov atyndaǵy QazEÝ ekonomıka jáne qarjy Instıtýtyn, 2014 jyly Qazaq bas sáýlet-qurylys akademıasyn bitirgen, ekonomıka ǵylymdarynyń magıstri.
Eńbek jolyn 2001-2003 jyldary Atyraý oblysynyń prokýratýra organdarynda prokýror bolyp bastaǵan.
2003-2004 jyldary Astana qalasy ákimi apparatynyń bas mamany bolyp jumys istedi.
2004 jyldan 2005 jylǵa deıin Stepnogorsk qalasy ákimi apparatynyń basshysy qyzmetin atqardy.
2005-2008 jyldary Almaty qalasy Almaly aýdany ákiminiń bólim basshysy, apparat basshysy, Medeý aýdany ákiminiń orynbasary qyzmetterin atqarǵan.
2008-2012 jyldary Astana qalasy Esil aýdany ákimi apparatynyń basshysy, ákimniń orynbasary bolyp jumys istedi.
2012 jyly Astana qalasynyń Tabıǵı resýrstar jáne tabıǵat paıdalanýdy retteý basqarmasy bastyǵynyń orynbasary bolyp jumys istedi.
2013 jyly Astana qalasy ákimdiginiń «Turmys» JSHS kásipornynyń dırektory bolyp jumys istedi.
2015 jyly «Birlik AST» JSHS Bas dırektory qyzmetin atqardy.
2015-2017 jyldary Astana qalasy boıynsha ekologıa departamentiniń basshysy qyzmetin atqardy.
Almaty qalasy memlekettik aktıvter basqarmasynyń basshysy laýazymyna taǵaıyndalǵanǵa deıin 2017-2022 jyldar aralyǵynda jeke qurylymdarda basshylyq qyzmetterdi atqardy.