Premer-mınıstr Oljas Bektenov Úkimet otyrysynda memleket basshysynyń ınflásıany tómendetý boıynsha alǵa qoıǵan mindeti aıasynda óńir basshylarynyń nazaryn osy baǵyttaǵy jumysty kúsheıtý qajettigine aýdardy, - dep habarlaıdy aqshamnews.kz tilshisi.
Keıingi eki aıda ınflásıa deńgeıi 12,4%-ǵa deıin tómendegenin, alaıda, keıbir óńirlerde, atap aıtqanda, Ulytaý, Aqmola jáne Atyraý oblystarynda kerisinshe, óskeni baıqalady. Basty sebep – azyq-túlik baǵasynyń qymbattaýy bolyp otyr.
"Óńir ákimderinde azyq-túlik taýarlarynyń baǵasyn turaqtandyrý úshin jetkilikti quraldar bar. Tek osy baǵyttaǵy jumysty kúsheıtý kerek", – dep atap ótti premer-mınıstr.
Jalpy, ınflásıalyq prosesterdi tómendetý úshin 2026-2028 jyldarǵa arnalǵan makroekonomıkalyq turaqtandyrý jáne halyqtyń ál-aýqatyn arttyrý jónindegi birlesken is-qımyl baǵdarlamasyn júzege asyrý barysyn baqylaýda ustaý qajet.