Qujat jobasy 18 qańtarǵa deıin qoǵam talqysyna usynylǵan.
Oqý-aǵartý mınıstrligi ulttyq biryńǵaı testileýdi ótkizý qaǵıdalaryna birqatar ózgertýler engizýdi josparlap otyr. Olardyń jobasy Ashyq NQA portalynda jarıalandy, dep habarlaıdy Almaty-akshamy.kz Elorda.info saıtyna silteme jasap.
Jobaǵa sáıkes, UBT ótetin ǵımaratqa alyp kirýge bolmaıtyn zattar tizimi keńeıedi. Atap aıtqanda, bul qatardy smart kózildirik, fıtnes bilezik (treker), dıktofon jáne A4 formatyndaǵy qaǵazdar tolyqtyrady.
Aıta keteıik, buǵan deıingi tizimde peıdjer, uıaly telefon, planshet, iPad, iPod, smartfon, noýtbýk, pleıer, modem (mobıldi roýter), radıo-elektrondyq baılanystyń barlyq túri (Wi-Fi, Bluetooth, Dect, 3G, 4G, 5G), smart saǵat, kálkýlátor, qulaqqap, shpargalka, oqý-ádistemelik ádebıetter bolǵan.
Testileýge kirgizý barysynda joǵaryda atalǵan zattar tabylsa, úmitker testileýge jiberilmeıdi.
Qujat jobasy 18 qańtarǵa deıin qoǵam talqysyna usynylǵan.