Bul týraly qala basshysy turǵyndarmen kezdesý barysynda aıtty.
Osy problemany sheshý úshin «Tuzdybastaý» podstansıasy salynyp jatyr, dep habarlaıdy Almaty-akshamy.kz
Túrksib aýdanynda elektrmen jabdyqtaý jelileriniń 70%-y tozǵan. Sonyń saldarynan jeliler jıi úzilip, jaryq sónip jatady.
«Qalaǵa qosylǵan "Qaırat", "Álmerek", "Nurshashqan" shaǵynaýdandarynyń jelileri ábden tozǵan. Onda jeliler qýatty Talǵar aýdandyq elektr stansıasynan alady. Al stansıanyń alys ornalasýy elektr energıasynyń turaqty berilýine de keri áser etedi», – dedi Dosaev.
Osy problemany sheshý úshin «Tuzdybastaý» podstansıasy salynyp jatyr. Qurylysy 2022 jyldyń jeltoqsan aıynda aıaqtalady.
«2022 jyldyń sońyna deıin "Shýaqty" shaǵynaýdandaǵy elektr jelileri jańartylady. Sosyn aýdandaǵy 26 jerdegi jalpy uzyndyǵy 21,1 km jelilerdi jańartý jumystary aıaqtalady», – dedi qala ákimi.