Keı óńirlerde naızaǵaı oınap, burshaq túsedi.
«Qazgıdromet» mamandary elimizdiń birneshe óńirlerinde eskertý jarıalady, dep habarlaıdy Almaty-akshamy.kz.
Túrkistan oblysynyń soltústiginde, taýly aýdandarynda naızaǵaı oınap, daýyl turady dep kútiledi. Soltústikte soltústik-batystan jel soǵady, oblystyń taýly aýdandarynda soqqan jeldiń ekpini 15-20 m/s, keı tusta 23 m/s jetedi, kúndiz oblystyń basym bóliginde 40 gradýs qatty ystyq bolady dep kútiledi. Oblystyń soltústiginde, shóleıtti aýdandarynda tótenshe órt qaýpi saqtalady. Túrkistanda túnde jáne tańerteń soltústik-batystan jel soǵady, ekpini 15-20 m/s jetedi.
Túnde Soltústik Qazaqstan oblysynyń soltústiginde, shyǵysynda naızaǵaı oınap, burshaq túsedi dep kútiledi. Soltústik-batystan jel soǵady, túnde oblystyń soltústiginde 15-20 m/s, kúndiz óńirdiń basym bóliginde 15-20 m/s, soltústiginde, shyǵysynda 25 m/s jyldamdyqpen qatty jel soǵady.
Qyzylorda oblysynda soltústikten jel soǵady, oblys ortalyǵynda soqqan jeldiń ekpini 15-20 m/s jetedi, oblystyń basym bóliginde tótenshe órt qaýpi saqtalady. Qyzylordada tótenshe órt qaýipi saqtalady.
Kúndiz Almaty oblysynyń batysynda, ońtústiginde jáne taýly aýdandarynda naızaǵaı oınaıdy dep kútiledi. Ońtústik-batystan jel soǵady, kúndiz oblystyń batysynda, ońtústiginde jáne shyǵysynda 15-20 m/s, keı tusta 25 m/s jyldamdyqpen jel soǵady, kúndiz 38 gradýs qatty ystyq bolady. Qonaevta kúndiz naızaǵaı oınaıdy dep kútiledi, 36-38 gradýs qatty ystyq saqtalady.
Kúndiz Jetisý oblysynyń ortalyǵy men taýly aýdandarynda naızaǵaı oınaıdy dep kútiledi. Batystan jel soǵady, kúndiz ortalyqta jáne oblystyń shyǵysynda 17-22 m/s, keı tusta 28 m/s jyldamdyqpen jel soǵady, kúndiz 35-38 gradýs qatty ystyq saqtalady. Taldyqorǵanda kúndiz naızaǵaı oınap, batystan jel soǵady, ekpini 15-20 m/s jetedi, kúndiz 35 gradýs ystyq saqtalady.
Túnde Shyǵys Qazaqstan oblysynyń soltústiginde, shyǵysynda, kúndiz oblystyń basym bóliginde naızaǵaı oınaıdy dep kútiledi. Kúndiz oblystyń soltústiginde, shyǵysynda burshaq jaýady. Soltústikte, ońtústikte, shyǵysta 15-20 m/s jyldamdyqpen jel soǵady. Ońtústikten soqqan jel soltústik-batysqa oıysyp, naızaǵaı kezinde ekpini 15-18 m/s jetedi.
Túnde Abaı oblysynyń batysynda, soltústik-batysynda, kúndiz ortalyqta, ońtústikte, shyǵysta naızaǵaı oınaıdy dep kútiledi. Ońtústikten soltústik-batysqa oıysa soqqan jel ekpini 15-20 m/s, keı tusta 23 m/s quraıdy.
Shyǵys Qazaqstan oblysynyń batysynda tótenshe órt qaýpi saqtalady. Semeıde túnde jáne tańerteń naızaǵaı oınaıdy dep kútiledi. Ońtústikten soqqan jel soltústik-batysqa oıysyp, naızaǵaı kezinde ekpini 15-18 m/s jetedi.