Eki kún izdeýde bolǵan qyz din aman tabyldy
Túrkistan oblysynda joǵalǵan jasóspirim qyz Almatydan tabyldy, dep habarlaıdy Almaty-akshamy.kz Polisia.kz-ke silteme jasap.
Tólebı aýdandyq polısıa bólimine jergilikti turǵyn aryzdanyp, stýdent qyzynyń joǵalǵany týraly habarlady.
Áıeldiń aıtýynsha, onyń 17 jastaǵy qyzy túski saǵat 15:55 shamasynda oqý ornynan belgisiz baǵytqa shyǵyp ketip, úıine qaıta oralmaǵan. Jaqyndary ózderi úsh kún boıy izdestirip, taba almaǵan.
Tártip saqshylary ýaqyt ótkizbesten, birden izdeý sharalaryn bastap ketti. Shuǵyl qyzdyń barýy múmkin jerler tekserildi. Jasóspirimniń qurbylary men týystarynan jaýap alyndy. Polıseıler jınaqtalǵan aqparat kózderi arqyly qyzdyń Almaty qalasyndaǵy týysynyń úıinde júrgenin anyqtady. Osylaısha eki kún boıy úzilissiz júrgizilgen jedel izdestirý sharalary oń nátıje berip, joǵalǵan qyz Almaty qalasynan tabylyp, otbasyna qaıtaryldy.
Belgili bolǵandaı, jasóspirim men anasynyń arasynda túsinbeýshilik oryn alyp, saldarynan qyzy úıinen ketýdi oılaǵan. Sodan eshkimge aıtpastan, Shymkent qalasyndaǵy týysynyń úıine baryp, odan ary Almatyǵa ketip qalǵan.
Munda týysyna úıinde ekenin eshkimge aıtpaýdy ótingen. Alaıda qyraǵy polıseıler qyzdyń júrgen jerin dereý anyqtap, ony aman-esen qalpynda tapty. Qazirgi tańda qyzben psıholog sóılesip, túsindirme jumystaryn júrgizýde. Ata-anasymen de profılaktıkalyq sharalar atqarylýda.