Tuman men kóktaıǵaq jol qozǵalysyn qıyndatty
Almaty polısıasy kóktaıǵaqqa baılanysty qala turǵyndaryn saq bolýǵa shaqyrdy, dep habarlaıdy Almaty-akshamy.kz QazAqparatqa silteme jasap.
«Tańǵy saǵat altydan beri megapolıstiń joǵarǵy bóliginde 25-ten astam jol-kólik oqıǵasy boldy. Onyń 10-da zardap shekkender bar. Jaýyn-shashyn men kóktaıǵaq qaladaǵy kólik qozǵalysyn aıtarlyqtaı qıyndatatyny anyq. Keptelis paıda bolyp, kólikterdiń ótkizý qabileti nasharlady», - deıdi Almaty qalalyq polısıa departamenti jergilikti polısıa qyzmetiniń bastyǵy, polısıa polkovnıgi Manap Sattarov.
Sondaı-aq onyń aıtýynsha, jol kólik oqıǵalary kóbine jol qozǵalysyna qatysýshylardyń tártip saqtamaýynan bolady.
«Keı júrgizýshiler jyldamdyqty báseńdetpeıdi, tótenshe jaǵdaı týǵyzady, qaýipti manevr jasaıdy, bir-birin syılamaıdy, jaıaý júrginshiler joldy ruqsat etilmegen jerden kesip ótedi. Osy faktorlar jol qozǵalysyna jalpy keri áser etip otyr», - dedi Manap Sattarov.
Sol sebepti Almaty polıseıleri joldyń qatelikti keshirmeıtinin eske saldy.