Búıirimen jatyp uıyqtaýǵa keńes beredi.
Adam uıqysyn zertteıtin sarapshysy maman Narvana Amını qoryldaýdyń eriksiz áreket ekenin aıtty. Onyń aıtýynsha, adamnyń uıyqtaıtyn orny óte mańyzdy. Ol shalqasynan uıyqtaıtyn adamdar basqa qalypta uıyqtaıtyndarǵa qaraǵanda jıi qoryldaıtynyn aıtyp, aýrýdan qutylý joldaryn aıtty, dep habarlaıdy Almaty-akshamy.kz Lenta.ru silteme jasap.
Qoryldaýdyń aldyn alý úshin maman búıirimen jatyp uıyqtaýǵa keńes beredi. Adam shalqasynan uıyqtaǵan jaǵdaıda, aýyrlyq kúshi tilin aýzyna basyp, tynys alý joldarynda bitelýdi týdyrady, sol sebepten adam qoryldap uıqtaıdy. Ol sondaı-aq kúndiz kóbirek suıyqtyq ishýge keńes berdi, óıtkeni bul túnde aýyzdaǵy jáne tamaqtaǵy keptelýdi jeńildetedi.
«Iegińizdi keýdege qyspańyz nemese basyńyzdy tómen túsirmeńiz, sebebi bul tynys alý jolyńyzdy bitep, tynys alýdy qıyndatady. Qoldaryńyzdy belde nemese búıirlerińizge paralel ustańyz. Eger sizde osy pozısıada býyndaryńyz aýyrsa, omyrtqany týralaý jáne tómengi arqadaǵy aýyrsynýdy jeńildetý úshin tizeńizdiń arasyna jastyq qoıyp kórińiz », - dedi Amını.
Ulybrıtanıanyń Ulttyq densaýlyq saqtaý qyzmetiniń (NHS) sarapshylary qoryldaýdyń artyq salmaqtan týyndaýy múmkin ekenin eskertti. Bul jaǵdaıda moıyn men tamaq aınalasy ulǵaıyp, uıqy kezinde tynys joldaryn biteýi yqtımal. Odan arylý úshin salmaqty azaıtý kerek, deıdi dárigerler.
Buǵan deıin dáriger ári telejúrgizýshi Evgenıı Komarovskıı qoryldaýdyń qaýipti ekenin aıtyp, ony emdeýdegi basty qatelik dep ataǵan bolatyn. Dárigerdiń aıtýynsha, uıqy kezinde tynys alýdyń kidirisimen júretin qoryldaýdyń erekshe túrleri bar.