TJM daýyldy eskertý kezeńinde jolǵa shyǵýdan bas tartýǵa keńes beredi

Jalpy eki táýlik ishinde elimizdiń avtojoldarynda 5 myńnan astam adam, onyń ishinde 275 bala qutqaryldy. Ótken táýliktiń ózinde joldarda 4 510 adam, onyń ishinde 225 bala qutqaryldy.

Avarıalyq-qutqarý jumystaryna TJM, Qorǵanys mınıstrligi, polısıa, Qazavtojol, shekara jasaǵynyń kúshteri men quraldary jumyldyryldy.

Budan basqa, Jambyl oblysyna ózara is-qımyl sheńberinde jáne Qyrǵyz Respýblıkasyna baratyn 100-ge jýyq avtokóliktiń júrip-turýyna kómek kórsetý úshin Qyrǵyzstan TJM kúshteri men quraldary keldi.

Qolaısyz aýa-raıyna baılanysty qutqarý jumystary qıyndady.

Jambyl oblysynyń Jýaly jáne Qordaı aýdandarynda 4096 adam, onyń ishinde 181 bala, 39 shetel azamaty qutqaryldy.

Taraz qalasynan Shymkentke qaraı shyǵaberiste 400-den astam avtokólik, Qordaı asýynda - 60 birlik, Blagoveshenkada-340 birlik kólik kepteliste tur. Avtojoldardy tazartý jumystary táýlik boıy júrgizilýde.

Túrkistan oblysynda 357 adam, onyń ishinde 40 bala qutqaryldy.

Shymkent-Taraz baǵyty boıynsha Shuqyrbulaq eldi mekeniniń aýdanynda shamamen 400 birlik tehnıka, Shaqpaq aýylynyń aýdanynda shamamen 230 birlik tehnıka kepteliste tur. Olardyń ishinde 1200-ge jýyq adam bar. Azamattar jylytý pýnktterine ornalastyrylǵan.

Jambyl jáne Túrkistan oblystary ákimderiniń sheshimderimen Qordaı, Shý jáne Túlkibas aýdandarynda jergilikti aýqymdaǵy tabıǵı sıpattaǵy tótenshe jaǵdaı jarıalandy.

Jetisý oblysynda «Úsharal-Dostyq»  avtojolynda qar qursaýynan 57 adam, onyń ishinde 4 bala qutqaryldy.

Almaty jáne Qaraǵandy oblystarynda izdestirý-qutqarý jumystary júrgizildi.  Qolaısyz aýa-raıynda mal jaıýǵa jáne mal izdeýge shyqqan úsh adam aman-esen tabyldy.

Jedel jeli telefondary jumys isteıdi:

- TJM 8 717 2 70 41 14,

- Jambyl oblysy TJD 8 726 2 51 35 75, 51 41 67,

- Túrkistan oblysy TJD 8 725 33 57 897.

TJM daýyldy eskertý kezeńinde alys saparlarǵa shyqpaýǵa, alys qashyqtyqqa jaıaý júrýden bas tartýǵa keńes beredi.