Táýelsizdik qurdasy: Dýlat Týleýbaev
Táýelsizdiktiń qurdasy Dýlat Tóleýbaev 1991 jyly 4 naýryzda Jezqazgan qalasynda dúnıege kelgen, dep habarlaıdy almaty-akshamy.kz Ulytaý oblysy TJD baspasóz qyzmetine silteme jasap.
Elimizdiń mysty shaharynda ósip-ónip, oqýyn bitirip, 2010 jyly Qazaqstan Respýblıkasynyń Qorǵanys Kúshteriniń qataryna shaqyrylyp, áskerı boryshyn Almaty oblysy İle aýdany Komsomol aýylynda atqardy. 2012 jyly Jezqazǵan qalasynyń №1 Mamandandyrylǵan órt sóndirý bólimine júrgizýshi bolyp jumysqa ornalasyp, 2017 jyly osy atalǵan bóliminiń bólimshe komandıri laýazymyna taǵaıyndalǵan. Búginde osy qyzmetin jalǵastyryp jatyr. Dýlat – beıbit kúnniń batyry. 10 jyldan asa azamattyq qorǵaý organynda eńbek etken ol talaı jannyń ómirin tilsiz jaýdan erlikpen aman alyp qalǵan.
«2021 jyly túngi ýaqytta 101 púltine Jezqazǵan qalasy turǵyn úıdiń páter janýy týraly habarlama kelip túsedi. Órt ornyna jetken kezde 4-shi qabatta páterdiń otqa oranǵany anyqtalady. Barlaý kezinde 5-shi qabatta koıý tútin saldarynan 2 adam ózdiginen shyǵa almaǵan eken. Ózimniń gaz tútininen qorǵaıtyn apparatymnyń maskasyn sheship, qoıý tútinniń arasynda qalǵan áıel adamǵa kıgizip, syrtqa shyǵardym. Ekinshi adamǵa áriptesim Spasatelnyı kalpagyn berip qutqardy. Ár shaqyrýǵa shyqqan saıyn óz basymyzdy qaterge tigip, adamdardy aman shyǵarýǵa tyrysamyz», - deıdi Dýlat Tóleýbaev.
Bólimshe komandıriniń sózinshe, bul salaǵa kelýine órt sóndirý qyzmetinde jumys istegen ákesi men aǵasy arqaý boldy. Osylaısha, bala kúninen qyzyǵýshylyǵy artyp, áskerden kelgen soń órt sóndirýshi mamandyǵyn tańdaǵan eken. Sondaı-aq qazirgi tańda Dýlat Tóleýbaev – adal jar, eki hanshaıymnyń meıirimdi ákesi.