Aýyl sharýashylyǵy mınıstri Erbol Qarashókeev ishki naryqty qantpen qamtamasyz etý jaıly aıtty.
Respýblıka boıynsha tamyz aıynyń sońynda qanttyń jalpy qory 118 myń tonnany quraıdy, dep habarlaıdy Almaty-akshamy.kz
Mınıstrdiń aıtýynsha, shilde aıynyń basynda respýblıkadaǵy qant qory 28 myń tonnany quraǵan. Aıdyń sońyna deıin 37 myń tonna qant óndiriledi dep boljanyp otyr.
«Kvota aıasynda ımport kólemi 33,3 myń tonnany quraıdy. Osylaısha ishki qajettilik 69,8 myń tonna bolsa, qanttyń jalpy qory 98,1 myń tonna bolady dep kútilýde. Shilde aıynda qant zaýyttaryndaǵy qant quraǵynan qant óndirý kólemin eskersek, qant kólemi jetkilikti. Óz-ózimizdi qamtamasyz ete alamyz», - dedi Qarashókeev.
Ol tamyz aıyndaǵy qantqa boljamdy qajettilik 69,8 myń tonna ekenin atap ótti.
«Bul - tutynýdyń eń joǵarǵy kólemi. Tamyzdyń basynda respýblıka boıynsha qant qory 35 myń tonna boljanyp otyr. 42,2 myń tonna qant ımporttalady dep kútilýde. Ákimdikter qoryn eskersek, respýblıka boıynsha qanttyń jalpy qory tamyz aıynyń aıaǵyna deıin 118 myń tonnany quraıdy dep josparlanýda. Sol sebepti osy shilde-tamyz aılarynda ózimizdi qamtamasyz etý úshin qant qory jetkilikti», - dedi mınıstr.
Qarashókeevtiń aıtýynsha, respýblıka boıynsha qant balansy oń saldony kórsetken. Bıyl qańtar aıynan bastap otandyq qant zaýyttary 120 myń tonna quraq shıkizatynan qant óndirdi. Bul ótken jyldyń uqsas kezeńimen slystyrǵanda 19 paıyzǵa artyq.