Azyq-túlikti baqylaýǵa arnalǵan plaforma iske qosylady.
Bul týraly Premer-Mınıstrdiń orynbasary – Saýda jáne ıntegrasıa mınıstri Baqyt Sultanov málim etti, dep habarlaıdy Almaty-akshamy.kz Egemen.kz-ke silteme jasap.
«Memleket basshynyń tapsyrmasy aıasynda Úkimet jyl aıaǵyna deıin otandyq aýyl sharýashylyǵy óndirýshileriniń ónimderin iri saýda jelilerine jetkizýdi qoldaýǵa baǵyttalǵan zańnamalyq bastamalardy usynbaq. Mysaly, sórelerge qoljetimdilikti qamtamasyz etý, ústemeaqy shegin retteý jáne deldaldar sanyn azaıtý sharalary pysyqtalady», - dedi ol Ortalyq komýnıkasıalar qyzmetinde ótken brıfıńte.
Sondaı-aq mınıstr Qdate analıtıkalyq platformasynyń ne úshin qurylyp jatqanyn túsindirdi.
«Ol ishki saýdanyń jaı-kúıine, ınfraqurylym júktemesine, ımport-eksport dınamıkasyna, taýarlar men qyzmetter baǵasynyń ózgerýine taldaý men monıtorıń jasap, memlekettik organdarǵa sapaly analıtıka usynady. Bul taldaýlardyń bári ashyq jarıalanady. Sonyń arqasynda bızneste ádil báseke qalyptasyp, tutynýshylarǵa sapaly ónimdi qoljetimdi baǵamen alý múmkindigi týady», - dedi Baqyt Sultanov.