Qyrǵyz Respýblıkasynyń Densaýlyq saqtaý mınıstrligi: jaǵdaı turaqty jáne qaýiptenetin esh sebep joq.
Vaksınalaýǵa jatatyn 3 mıllıon adamnyń 1 mıllıon 200 myńy egildi. Bul ujymdyq ımýnıtetti qalyptastyrýǵa múmkindik berdi. Ahýal nasharlaǵan jaǵdaıda, Densaýlyq saqtaý mınıstrligi ishinara shekteýler engizýi múmkin, dep habarlaıdy Almaty-akshamy.kz COVID-19 taralýyna jol bermeý jónindegi VAK-tyń Telegram kanalyna silteme jasap.
Vedomstvonyń málimetinshe, elde aýrýdyń klasıkalyq shtamy, sondaı-aq "delta" men "omıkron" aınalymda.
Al Armenıada koronavırýstyq shekteýlerdi engizý múmkindigi týraly aıtyla bastady. Bir apta ishinde kovıdti juqtyrǵandar sany eki ese ósti. Dárigerlerdiń aıtýynsha, bul Eýropa elderine saıahattaýshylar sanynyń ósýine jáne ınfeksıany juqtyrýdyń tolqynyna baılanysty.
Armenıanyń Densaýlyq saqtaý mınıstri densaýlyq saqtaý júıesi jaǵdaıdyń kez kelgen damýyna daıyn dep sendirdi, biraq eger aldaǵy eki aptada ınfeksıa juqtyrýdyń ósýi jalǵasa berse, respýblıkaǵa "maska taǵý rejımi" oralýy múmkin.
BA.2.75 shtamy nemese "kentavr" Izraılge jetti. Juqtyrýdyń alǵashqy jaǵdaılary sońǵy aptalarda shetelde bolǵan adamdarda anyqtaldy. Birneshe adam bar, barlyǵy baqylaýda. Osy úsh jolaýshynyń biri Úndistannan, ekeýi Fransıadan ushyp keldi. El bıligi dabyl qaǵýda, óıtkeni aldyńǵy shtamdardyń epıdemıasy áli jeńilgen joq, olarǵa jańa shtamm keldi.
Dárigerler vaksınalaýdy, sonyń ishinde revaksınalaýdy talap etýde. Olardyń aıtýynsha, ázirge bul jalǵyz qorǵanys. Eldiń Densaýlyq saqtaý mınıstrligi de azamattarǵa revaksınalaýdan ótýdi usynady. Basqa eshqandaı shekteýler joq.