Talǵar qalasyna jańa ákim saılandy. Saılaý nátıjesi boıynsha bul qyzmetke Arystanbek Ábilqaıyruly taǵaıyndaldy, dep habarlaıdy aqshamnews.kz
Talǵar aýdandyq aýmaqtyq saılaý komısıasynyń málimetinshe, Arystanbek Ábilqaıyrulyna 9 071 saılaýshy daýys bergen.
– Saılaýshylar tizimine barlyǵy 42 774 adam engizildi, onyń ishinde 12 875 azamat daýys berýge qatysty. Ákimdikke úmitkerler arasynda Jánibek Kádenov 1 875, al Álibek Ramazanov 1 140 daýys jınady. Sonymen qatar, 182 saılaýshy «barlyǵyna qarsy» daýys berdi.
Saılaý qorytyndysy boıynsha Talǵar qalasynyń ákimi bolyp Arystanbek Ábilqaıyruly saılandy, – delingen habarlamada.
Eske salaıyq, tizimde úsh kandıdat boldy.