BUU málimetinshe, Qazaqstan Online Service Index reıtıńisiniń úzdik ondyǵyna endi.
Bul ındeks onlaın-memlekettik qyzmetterdiń qoljetimdiligin, olardyń alýan túrliligi men tolyqtyǵyn – ótinim berý prosesinen bastap nátıjelerdi alýǵa deıingi barlyq kezeńderdi qamtıdy.
2024 jyly reıtıńtiń kóshbasshysy bolyp maksımaldy upaı jınaǵan Ońtústik Koreıa tanyldy, al tizimniń sońǵy ornyn eń tómengi kórsetkishpen Erıtreıa ıelendi, dep habarlaıdy Energyprom.
Qazaqstan alǵashqy ondyqty túıindep, TMD jáne Ortalyq Azıa elderiniń barlyǵyn basyp ozdy, sondaı-aq tehnologıalyq jetistikterimen tanymal Japonıadan sál ǵana artta qaldy.
Salystyryp qarasaq, Armenıa 53-orynda, Reseı – 56-orynda, Ózbekstan – 59-orynda, Qyrǵyzstan – 89-orynda bolsa, Túrikmenstan reıtıńtiń sońynda, 172-orynda qaldy.
Qazaqstanda sıfrlandyrýdyń úzdik mysaldarynyń biri – ınjenerlik jelilerge qosylýǵa tehnıkalyq sharttar berý prosesiniń avtomattandyrylýy. Bul ádis sybaılas jemqorlyq táýekelderin boldyrmaı, qazaqstandyqtarǵa «bir tereze» qaǵıdaty boıynsha qyzmet alýǵa múmkindik beredi.