10 jyldan keıin sahnaǵa oralǵan ánshi Syrym Isabaev Aman Tasyǵanǵa bergen suhbatynda Qaırat Nurtaspen arasynda qarym-qatynasy qandaı bolǵanyn ashyp aıtty, - dep habarlaıdy Aqshamnews.kz tilshisi.
"Ár tirliktiń basy men aıaǵy bolady. Basynda Qaırat ekeýimiz bastaǵanda, maqsatymyz halyqqa tanylý boldy. Meniń tańdaǵan ánim Qaıratqa, Qaırattyń tańdaǵan áni maǵan unady. Biraq ýaqyt óte kele ekeýimizdiń tańdaǵan ánderimiz bir birimizge unamaıtyn kezder paıda bola bastady", - dedi ol.
Ánshiniń aıtýynsha, alǵashynda ekeýiniń kózqarasy bir bolǵan, keıin pikirler ózgergen. Ol kezde ekeýi de Qaırattyń anasy ári prodúseri Gúlzıra Aıdarbekovanyń aıtqanyn oryndap júrgen.
"Sonyń bári júıeli túrde júrip kelip, aıaǵynda pikirler ózgere bastady. Bulaı jalǵasa berse, aqyry uryspen bitedi. Men eshnárseni uryspen aıaqtaǵym kelmedi. Ol kezde munyń bárin Gúlzıra hanym basqardy. Sol ne dese, sony jasadyq", - dedi Syrym Isabaev.