Bektas Kárim buǵan deıin AQSH, Ózbekstan, Mongolıa elderinde de kórmelerge kartınalarymen qatysyp, júldeli oryndarǵa ıe bolǵan
Aqmola oblysy Shortandy aýdanynyń Mádenıet jáne tilderdi damytý bólimi janyndaǵy «Oıyn-saýyq ortalyǵy» KMM sýretshisi, Bektas Kárim Magadanda ótken İİİ Halyqaralyq «Álem halqynyń súıek kesý óneri» festıvaline qatysyp, «Ónerdegi rýhanıat» nomınasıasy boıynsha İ dárejeli dıplommen marapattaldy, dep habarlaıdy Almaty-akshamy.kz.
Festıválge álemniń 12 elinen, atap ótsek AQSH, Kanada, Norvegıa, Qytaı, Shvesıa, Qazaqstan, Fınlándıa, Belarýs, Ýkraına, Lýganskaıa; Reseıdiń 20 qalasynan: Arhanglsk, Bránskaıa, Magadan, Moskovskaıa, Sverdlovsk, Tombovskaıa, Týlskaıa, Túmenskaıa oblystary, Kamchatskaıa, Krasnodar, Permskıı, Prımorskıı, Habarovskıı, Býrátıa, Kalmykıa, Saha-Ákýtıa, Chýkotskıı, Sankt-Peterbýrg, Mokva qalasynan sheberler qatysty.
Álemniń túkpir-túkpirinen kelgen 40-tan astam sheberlerden oza shaýyp, İ dárejeli dıplommen marapattalý — úlken dáreje. Bul Shortandy úshin ǵana emes, Qazaqstan Respýblıkasynyń maqtanyshy.
Bektas Kárim buǵan deıin AQSH, Ózbekstan, Mongolıa elderinde de kórmelerge kartınalarymen qatysyp, júldeli oryndarǵa ıe bolǵan. Al, súıekten jasalǵan óner týyndysymen Halyqaralyq deńgeıdegi kórmege birinshi ret qatysyp otyr.