Kórme aıasynda Qazaqstan óneri tanystyryldy
EXPO-2020 Dubai dúnıejúzilik kórmesindegi Ulttyq pavılonda Qazaqstannyń týrızm kúnderi ótti. İs-sharalar aıasynda iskerlik kezdesýler de, mádenı is-sharalar da ótkizildi, dep habarlaıdy Almaty-akshamy.kz Baq.kz agenttigine silteme jasap.
Ulttyq kúı men álemdik hıtterdi halyq aspaptarynda oryndaǵan «Sazgen Sazy» fólklorlyq-etnografıalyq ansambliniń óneri ulttyq naqysh pen ulttyq atmosferany sezindirdi, al kórme aýmaǵyndaǵy jaıaý sherý bizdiń pavılonymyzdyń qonaqtaryn erekshe tánti etti.
Aıta keterligi, týrıserge ár adam kenepke óz qolymen sýret salyp, sol arqyly barlyq kelýshilerdi bir ortaq ıdeıa — ǵalamshardaǵy tórt elementtiń saqtalýyn beıneleý arqyly biriktirýshi «WorldPainting» «ÁLEM SÝRETİ» biregeı jobasy erekshe áser qaldyrdy.
Sonymen qatar, is-shara aıasynda Qazaqstan Táýelsizdiginiń 30 jyldyǵyna arnalǵan belgili sýretshi jáne antıadrolyq qozǵalystyń belsendisi Káripbek Kúıikovtiń kórmesi ótti.
Bıznes-baǵdarlama da mazmundy boldy. BAÁ-degi QR Elshiliginiń qoldaýymen «Kazakh Tourism» UK» AQ, «Kazakh Invest» UK» AQ, KIDF, «Samuryq-Qazyna» Ulttyq ál-aýqat qory» AQ, Dýbaı qalasyndaǵy QR Bas konsýldyǵynyń, sondaı-aq bıznes toptardyń qatysýymen iri arab kompanıalary, holdıńter jáne ınvestısıalyq qorlar úshin týrısik sala jobalarynyń prezentasıasy boıynsha ınvestısıalyq dóńgelek ústel ótti. Olardyń basty nazaryndaǵy másele — týrızm jáne jyljymaıtyn múlik salasyndaǵy ınvestısıalar.
«Kazakh Tourism» Ulttyq kompanıasynyń Basqarma tóraǵasynyń orynbasary Qaırat Sádýaqasov osy kezdesýde Qazaqstannyń týrızm salasynyń týrısik áleýeti men perspektıvalyq ınvestısıalyq jobalary týraly aıtyp berdi. Arab ınvestorlary Aqtaý qalasyndaǵy kýrorttyq týrızm jobalary men Almaty oblysyndaǵy taý týrızmi jobalaryna erekshe qyzyǵýshylyq tanytty.
QR Ulttyq pavılony alańynda josparlanǵan iskerlik is-sharalar halyqaralyq qatynastardy, týrısik jáne ınvestısıalyq áleýetti damytýǵa baǵyttalǵanyn, al mádenı is-sharalar halqymyzdyń salt-dástúrlerimen tanysýǵa baǵyttalǵanyn atap ótken jón.