Almatyda Jastar Alany qalalyq jastar forýmy ótti
Jańa urpaq – pozıtıvti oılap, bir-birine ári aınalasyndaǵy jastarǵa kómektesýge daıyn. Bul týraly Almaty ákimi Baqytjan Saǵyntaev instagram-daǵy paraqshasynda jazdy, dep habarlaıdy Almaty-akshamy.kz.
«Qazaqstan Táýelsizdiginiń 30 jyldyǵyna arnalǵan Jastar Alany qalalyq jastar forýmyn ótkizdik. Alatau Creative Hub alańynda shyǵarmashylyq mamandyq ókilderi, kásipkerler men sportshylar, eriktiler ózderiniń jetistikteri týraly aıtty. Kóbisi derlik bir kezderi arman qýyp, Almatyǵa keldi. Úlken qalada tyń ıdeıalaryn júzege asyrýǵa múmkindik aldy.
Jańa urpaq – pozıtıvti oılap, bir-birine ári aınalasyndaǵy jastarǵa kómektesýge daıyn. Olar Táýelsiz Qazaqstanda dúnıege kelip, jańa bastamalarǵa batyl kirisýde»,-dep jazdy qala ákimi.
Sonymen qatar ol jastardyń bastamalary men umtylysyn qoldaıtyndaryn jetkizdi.
«Almaty jastardyń umtylysyn qoldaıdy. Biz jańa kreatıvti keńistikter men AT-habtar quramyz. Talantty jastardy baýlýdyń bul tetikteri megapolısimizdiń álemdegi eń úzdik 100 qala qataryna enýine negiz bolmaq,-dep jazdy B. Saǵyntaev.