Sońǵy ret 2020 jyldyń qańtar aıynyń sońynda tirkelgen
Vırýs juqtyrý oqıǵasy eki jylǵa jýyq ýaqyttan beri tirkelmese de, Tıbet avtonomıaly aýdanynda ekpe saldyrý jumysy qarqyndy júrgizilip otyr. Elde ekpeniń úshinshi kezeńin alý bastalyp ketken, dep habarlaıdy Almaty-akshamy.kz Express Qazaqstan-ǵa silteme jasap.
Qazir júz myńǵa jýyq tıbettik azamat ekpeniń úshinshi dozasyn alyp úlgerdi, dep málimdedi Sınhýa agenttigi.
Qytaıdyń densaýlyq isi boıynsha aımaqtyq komıtetiniń senbi kúni Tıbette koronavırýs juqtyrýdyń jańa kórinisi tirkelmegenine 653 kún bolǵandyǵyn jarıa etti. Elde sońǵy ret vırýs juqtyrý oqıǵasy 2020 jyldyń qańtar aıynyń sońynda tirkelgen.
«Vırýsqa qarsy kúreste oń nátıjege jetkenimizben, elde adamdardyń dene temperatýrasyn turaqty ólsheý men kópshilik oryndardy zalalsyzdandyrý jumysyn toqtatpaýymyz kerek, - deıdi Tıbet úkimet basshysynyń orynbasary Szán Sze.
Qazirgi tańda 3,5 mıllıonnan asa halqy bar Tıbette 5,89 mıllıon doza ekpe egilgen. Ótken aptada eldegi barlyq 3 jastan 12 jasqa deıingi balalardy vaksınasıalaý jumysy bastaldy.