Álem kýbogy Reseı elinde alǵash ret ótkizildi
2021 jylǵy qarasha aıynyń 11-13 aralyǵynda Máskeý qalasyndaǵy Irına Vıner-Ýsmanovanyń gımnastıka saraıynda qoıan-qoltyq urystan álem kýbogy ótti, dep habarlaıdy Almaty-akshamy.kz QR Ulttyq ulan gvardıasynyń baspasóz qyzmetine silteme jasap.
Atalǵan jarysqa álemniń 30 elinen 300-den astam sportshy qatysty. Jarys baǵdarlamasyna «jekpe-jek» jáne «ózin-ózi qorǵaý» dısıplınalary kirdi. Fınal osy senbide ótti.
Atalǵan jarysqa sondaı-aq Qazaqstan Respýblıkasynyń sportshylary qatysty. Qazaqstannyń qoıan-qoltyq urystan Ulttyq quramasynyń quramynda Ulttyq gvardıa Áskerı ınstıtýtynyń 4-kýrs kýrsanty Arapbaı Saýran qatysty.
Áskerı ınstıtýt kýrsanty ádil jáne tabandy jarysta sporttyq sheberliktiń joǵarǵy deńgeıin kórsetip, Úndistan, Iran, Reseı jáne Ózbekstan sportshylaryn jeńip shyqty.
Jarys qorytyndylary boıynsha 65 kelige deıingi salmaq dárejesinde Áskerı ınstıtýt kýrsanty Arapbaı Saýran halyqaralyq klastaǵy sport sheberiniń normatıvin oryndap, qol jumsaıtyn jekpe-jekten álem kýbogynyń chempıony atandy.
Qol jumsaıtyn jekpe-jek boıynsha álem kýbogy Reseı elinde alǵash ret ótkizildi. Uıymnyń maqsaty – jaýyngerlik ónerdiń bul túrin áıgilendirý, sondaı-aq dısıplınany olımpıada baǵdarlamasyna qosý.