Bul jerde zırat bolýy múmkin emes
Qurylysshylar túsirgen sýret áleýmettik jelide tez tarap ketken. Ekskavator qurylys alańyn qazyp jatqanda, topyraq astynan adamnyń súıegi tabylǵan, dep habarlaıdy Almaty-akshamy.kz Express Qazaqstan-ǵa silteme jasap.
Sýretke qarap, semeılikterdiń bireýi bul toqsanynshy jyldary qylmyskerler óltirip, kómip ketken adamnyń qańqasy dese, basqa bireýleri bul jerde zırat bolǵan degen boljam aıtyp jatyr.
«Ertis mańy» atty ólketaný qoǵamdastyǵynyń jetekshisi Marat Sasanovtyń aıtýynsha, súıek tabylǵan qurylys alańy turǵyn úı alqaptaryna jaqyn ornalasqan. Sondyqtan, bul jerde zırat bolýy múmkin emes.
«Bul aýdanda, ıaǵnı, Ertis ózenin jaǵalaı kezinde el qonystanǵan. Bálkim, bul zıratqa emes, úıiniń mańyna jaqyn jerlengen adamnyń súıegi bolýy múmkin. Sondyqtan, anyqtaý kerek»,- deıdi Marat Sasanov.