Ekijaqty qatynastardy odan ári damytýǵa beıildiligi atap ótildi.
AQSH Kongresinde Semeı ıadrolyq synaq polıgony jabylýynyń 30 jyldyǵyna oraı №616 qarardy engizip tirkedi, dep habarlaıdy Almaty-akshamy.kz.
«Qujatta Qazaqstannyń jappaı qyryp-joıý qarýyn taratpaý jónindegi jahandyq rejımdi nyǵaıtý jónindegi dáıekti jumysyna, sondaı-aq osy jyly 30 jyldyǵy atap ótiletin AQSH-pen túrli salalardaǵy, sonyń ishinde qaýipsizdik, adam quqyqtary jáne basqa da salalardaǵy ekijaqty qatynastardy odan ári damytýǵa beıildiligi atap ótildi», – delingen Qazaqstannyń Syrqy ister mınıstrliginiń baspasóz qyzmetiniń habarlamasynda.
Kongresmenderdiń bastamasy AQSH zań shyǵarýshy organy músheleriniń Qazaqstannyń taratpaý rejımin nyǵaıtýǵa jáne jahandyq qaýipsizdikke qosqan úlesine, onyń ishinde Tuńǵysh Prezıdent – Elbasy Nursultan Nazarbaevtyń osy saladaǵy kúsh-jigerine jáne álemge ıadrolyq qaterdi azaıtý isindegi birlesken jetistikterine nazar aýdaratynyn kórsetti.