Tirkeýge usynylǵan qujattar qoldanystaǵy zańnamaǵa sáıkes tekserildi jáne tirkeý talaptaryna saı dep tanyldy.
Respublica partıasy resmı túrde tirkeldi. Bul týraly partıanyń basshysy Aıdarbek Hodjanazarov Feısbýktegi paraqshasynda jazdy, dep habarlaıdy Almaty-akshamy.kz.
«Bizdiń resmı ókilimiz Astana qalasynyń HQO-larynyń birinde Respublica partıasynyń tirkeý qujattaryn qolyna aldy. Endi biz elimizdiń jańa, resmı tirkelgen saıası kúshimiz», - dep jazdy Aıdarbek Hodjanazarov áleýmettik jelide.
Aıta keteıik, partıanyń teń tóraǵalary - Syrymbek Taý, Rýslan Berdenov, Maksım Baryshev, Dınara Shýkıjanova, Qýanysh Shonbaı, Beıbit Álibekov jáne Nurlan Qoıanbaev.
Sondaı-aq, Ádilet mınıstrligi 2023 jyldyń 18 qańtarynda «Respublica» partıasy» qoǵamdyq birlestigin tirkeýden ótkizdi.
«Tirkeýge 2022 jylǵy 3 jeltoqsanda ótkizilgen saıası partıa qurý týraly quryltaı sezi, sondaı-aq «Saıası partıalar týraly» zańnyń 6-10-baptarynda kórsetilgen qujattar negiz boldy. Tirkeýge usynylǵan qujattar qoldanystaǵy zańnamaǵa sáıkes tekserildi jáne tirkeý talaptaryna saı dep tanyldy», - delingen habarlamada.
Ótken jylǵy 19 jeltoqsanda Qanat Mýsın Parlament palatalarynyń birlesken otyrysynan keıin BAQ ókilderiniń saýalyna jaýap bere otyryp, osy Respublica partıasy resmı tirkelgenin aıtqan edi.
Artynsha, Ádilet mınıstrligi jańa saıası partıa tirkelgeni jaıly óz aqparatyn joqqa shyǵardy.
Aıta keteıik, bul - elimizde tirkelip otyrǵan jetinshi saıası partıa:
1. AMANAT partıasy;
2. «Aq jol» Qazaqstan demokratıalyq partıasy;
3. «Qazaqstan halyq partıasy»;
4. «Aýyl» halyqtyq-demokratıalyq patrıottyq partıasy;
5.«Jalpyulttyq sosıal-demokratıalyq partıa»;
6. «Baıtaq» qazaqstandyq jasyldar partıasy;
7. «Respublica» partıasy.