Otyrys barysynda eńbekti daıyndaǵan avtorlardyń qatysýymen kóp tomdyq jınaqtyń tusaýkeser rásimi ótti.
Memlekettik Keńesshi Erlan Qarın saıası qýǵyn-súrgin qurbandaryn tolyq aqtaý jónindegi memlekettik komısıanyń kezekti otyrysyn ótkizdi, dep habarlaıdy Almaty-akshamy.kz Aqordanyń resmı saıtyna sileme jasap.
Jıynda Memlekettik komısıanyń 2022 jyly atqarǵan qyzmetiniń negizgi qorytyndylary qaraldy.
Memlekettik komısıa jumysynyń basty nátıjeleriniń biri retinde saıası qýǵyn-súrgin tarıhyna arnalǵan 31 tomdyq materıaldar men qujattar jınaǵynyń jaryq kórýin aıtýǵa bolady.
Otyrys barysynda eńbekti daıyndaǵan avtorlardyń qatysýymen kóptomdyqtyń tusaýkeser rásimi ótti.
Kitaptar HH ǵasyrdyń 20-50 jyldaryndaǵy saıası qýǵyn-súrgin qurbandarynyń túrli sanattaryna qatysty buryn jarıalanbaǵan arhıv qujattary men materıaldarynan quralǵan.
Memlekettik komısıanyń materıaldaryn jaryqqa shyǵarý jumysy bıyl da biryńǵaı serıa sheńberinde jalǵasatyn bolady.
Sondaı-aq, tıisti memlekettik organdardyń basshylary arnaıy jáne vedimistik arhıv qorlaryndaǵy qujattardy qupıasyzdandyrýǵa, arhıv materıaldaryn júıeleýge jáne sıfrlandyrýǵa qatysty atqarǵan jumystary jaıynda baıandady.
Jıyn sońynda 2023 jyly qolǵa alynatyn basty baǵyttar boıynsha, ǵylymı-zertteý jáne qýǵyn-súrgin qurbandaryn aqtaý jumystaryn jalǵastyrýǵa qatysty tapsyrmalar berildi.