Jambyl oblysynda jolaýshylar poıyzynan órt shyǵyp, 34 adam qaýipsiz aýmaqqa kóshirildi, dep habarlaıdy Almaty-akshamy.kz Inform.kz-ke silteme jasap.
«8 qazan kúni saǵat 02.45-te kólik polısıasyna Jambyl oblysyndaǵy «Býrnyı - Surym» ótkelinde «Qyzylorda – Semeı» baǵytyndaǵy jolaýshylar poıyzynyń elektrqondyrǵy bólmesinde órt bolǵany jóninde habarlama tústi.
Oqıǵa ornyna kólik polısıasynyń jedel-tergeý toby jetip, órtengen vagonnyń eki jaǵyn dereý aǵytty, 34 jolaýshyny qaýipsiz vagondarǵa shyǵardy», - delingen málimette.
Polısıa aqparatyna súıensek, poıyz brıgadasymen birlesip, kólik polısıasy patrúldik narádynyń qyzmetkerleri Shamıl Kerimbaev pen Erjan Maısýpov kásibı sheberlikterin kórsetip, adam ómirine arasha tústi.
«Birlesken is-sharanyń nátıjesinde jolaýshylar zardap shekken joq. Atalǵan fakti boıynsha tergeý bastaldy», - dep naqtylady polısıadan.