Air Astana Almaty – Shanhaı – Almaty baǵytynda jańa turaqty reıs ashady, - dep habarlaıdy Aqshamnews.kz.
Bıletter satylymǵa shyǵaryldy, al alǵashqy reısterdi iske qosý 2026 jylǵy 29 naýryzǵa josparlanǵan (memlekettik organdardan qajetti ruqsattar alynǵan jaǵdaıda).
Almatydan ushýlar seısenbi, beısenbi jáne jeksenbi kúnderi oryndalady. Ushyp ketý ýaqyty – 19:10, Shanhaıǵa kelý – 04:25 (kelesi kún). Qaıtar reıster dúısenbi, sársenbi jáne juma kúnderi júzege asyrylady: Shanhaıdan ushý – 05:40, Almatyǵa kelý – 10:15.
Reıster zamanaýı ári jaıly Airbus A321LR áýe kemesimen oryndalady. Ushý uzaqtyǵy Almatydan Shanhaıǵa 6 saǵat 15 mınýt, keri baǵytta 7 saǵat 35 mınýtty quraıdy.
Barlyq alymdardy qosa eseptegende, ekonom-klastaǵy baryp-qaıtý bıletteriniń eń tómengi quny 281 312 teńgeden, al bıznes-klassta 921 132 teńgeden bastalady. Bıletterdi Air Astana-nyń resmı saıtynan, mobıldi qosymshasynan jáne akkredıttelgen týrısik agenttikterden satyp alýǵa bolady.
Jańa baǵyttyń ashylýy Air Astana-nyń Qytaıdaǵy marshrýttyq jelisin keńeıtedi. Buǵan deıin áýe kompanıasy Beıjiń, Gýanchjoý, Úrimshi jáne Saná qalalaryna reıster oryndap kelgen. Almaty – Shanhaı baǵyty Qazaqstan men Azıanyń iri iskerlik ortalyqtarynyń biri arasyndaǵy týrısik jáne iskerlik saparlarǵa qosymsha múmkindik beredi.
Shanhaı – Qytaıdyń qarjy jáne iskerlik astanasy sanalatyn megapolıs. Qala zamanaýı sáýletimen, baı tarıhymen jáne mádenı ártúrliligimen tanymal. Negizgi kórikti oryndarynyń qatarynda Vaıtan jaǵalaýy, «Shyǵys marjany» telemunarasy, Iýıýan baǵy, sondaı-aq mýzeıler, teatrlar men iri saýda kvartaldary bar. Sonymen qatar qazaqstandyqtar úshin Qytaıǵa vızasyz kirý múmkindigi qarastyrylǵan.