Qazaqstan tarıhynda alǵash ret halyqtyń 90 paıyzdan astamy mindetti áleýmettik medısınalyq saqtandyrý (MÁMS) júıesimen qamtyldy, dep habarlaıdy Aqshamnews.kz tilshisi Densaýlyq saqtaý mınıstrligine silteme jasap.
Bul kórsetkish mıllıondaǵan azamattyń kepildendirilgen ári sapaly medısınalyq kómek paketine qol jetkizgenin bildiredi. Nátıje Memleket basshysynyń tapsyrmasymen júrgizilgen júıeli ózgerister aıasynda iske asqan.
Aıta keteıik, 2025 jyldyń shilde aıynda MÁMS júıesine birqatar jańalyq engizgen arnaıy zań qabyldanǵan. Zańnyń negizgi maqsaty – medısınalyq kómektiń qoljetimdiligin arttyrý jáne áleýmettik jaǵdaıy tómen azamattardyń saqtandyrýdan tys qalmaýyn qamtamasyz etý.
Jańa normaǵa sáıkes, 2026 jyldyń qańtarynan bastap jergilikti búdjet esebinen MÁMS júıesine qosymsha 1 mıllıonǵa jýyq adam qosyldy. Olar áleýmettik ál-aýqaty «daǵdarysty» (D sanaty) jáne «shuǵyl» (E sanaty) deńgeıdegi azamattar.
Mınıstrlik málimetinshe, tómen tabysy bar halyqtyń taǵy 5 paıyzy josparly medısınalyq kómekke qol jetkizse, tájirıbede alǵash ret ákimdikter jumyssyz jáne áleýmettik jaǵdaıy qıyn azamattar úshin saqtandyrý jarnalaryn ózderi tóleý tetigi iske qosylǵan.
Vedomstvo bul qadam medısınalyq qyzmettiń qoljetimdiligin keńeıtip qana qoımaı, áleýmettik teńsizdikti azaıtýǵa baǵyttalǵan mańyzdy reforma ekenin atap ótti.