«Qazaqstan temir joly» ulttyq kompanıasy «Qyzylorda-Semeı» jolaýshylar poıyzy vagonyndaǵy órtke qatysty komısıa quryp, tekserýdi bastady, dep habarlaıdy Almaty-akshamy.kz Inform.kz-ke silteme jasap.
«2022 jylǵy 8 qazanda saǵat 2:35-te №22 «Qyzylorda-Semeı« jolaýshylar poıyzy vagonynda týyndaǵan órtke baılanysty poıyz Túlkibas-Taraz ýchaskesinde shuǵyl aıaldama jasady. Jolaýshylar arasynda qurban bolǵandar men zardap shekkender joq.
Vagonnyń bes kýpesin sharpyǵan ot órt sóndirý qyzmetteri men poıyz brıgadasy qyzmetkerleriniń birlesken jedel áreketterimen sóndirildi.
Vagonda bolǵan jolaýshylar poıyz quramynyń bos oryndaryna ornalastyryldy. Poıyz saǵat 6-dan 6 mınýt ótkende jolǵa shyqty.
Tekseris júrgizý úshin «QTJ« UK» AQ-da komısıa quryldy», - delingen kompanıa málimetinde.