Memleket basshysynyń tapsyrmasymen 2024 jyldyń 1 qańtarynan bastap iske qosylǵan «Ulttyq qor – balalarǵa» baǵdarlamasy aıasynda qazaqstandyq balalardyń jınaqtary qalyptasyp jatyr, dep habarlaıdy Aqshamnews.kz tilshisi.
Baǵdarlamaǵa sáıkes, jyl saıyn Ulttyq qordyń ınvestısıalyq kirisiniń 50 paıyzy Qazaqstan azamattyǵyndaǵy barlyq balalar arasynda teńdeı bólinedi. Bul qarajat balalardyń BJZQ-daǵy shottaryna nysanaly talap retinde eseptelip, ınvestısıalanady.
2025 jyldyń qorytyndysy boıynsha baǵdarlamaǵa qatysýshy 6 918 656 balaǵa árqaısysyna 130,71 AQSH dollary kóleminde qarjy aýdarylǵan. Nátıjesinde:
- úshinshi jyl qatysyp jatqan balalardyń jınaǵy 370,56 dollar,
- ekinshi jyl qatysqandardiki 263,93 dollar,
- birinshi jyl qatysqandardiki 130,71 dollar boldy.
Baǵdarlama bastalǵaly beri Ulttyq qordan balalarǵa eseptelgen qarajattyń jalpy kólemi shamamen 2,5 mlrd AQSH dollaryn qurady.
2026 jyly 356 613 qazaqstandyq 18 jasqa tolyp, jınaqtalǵan qarajatyn turǵyn úı jaǵdaıyn jaqsartýǵa, bilim alýǵa nemese zeınetaqy jınaǵy retinde saqtaýǵa quqyly bolady.
Balanyń baǵdarlamaǵa qatysýy týraly aqparatty ata-analar kids.enpf.kz saıty men eGov mobile qosymshasy arqyly teksere alady.