Soltústik Qazaqstan oblysynda joǵary jyldamdyqpen kele jatqan jeńil kólik aýdarylyp, jas jigit oqıǵa ornynda kóz jumdy, dep habarlaıdy Aqshamnews.kz tilshisi.
Qaıǵyly jaǵdaı 28 qańtarda keshki ýaqytta Taıynsha – Chkalovo tasjolynda, Mıronovka aýylynyń mańynda tirkelgen. Aldyn ala málimetke sáıkes, Toyota Camry avtokóligi Doneskoe aýylynan Taıynsha baǵytyna qaraı qozǵalǵan. Eldi mekenge jaqyndaǵanda júrgizýshi kólikti basqara almaı, jol jıegine shyǵyp ketip, birneshe ret aýdarylǵan.
Kólik ishinde 19 jastaǵy júrgizýshi men eki jolaýshy bolǵan. Aýyr soqqy saldarynan júrgizýshi jedel járdem jetkenshe qaıtys boldy. Al jolaýshylar jeńil jaraqat alyp, medısınalyq kómek kórsetilgennen keıin úılerine jiberilgen.
Atalǵan derek boıynsha Soltústik Qazaqstan oblystyq Polısıa departamenti sotqa deıingi tergeý jumystaryn bastady. Mamandar apatqa joǵary jyldamdyq pen jol jaǵdaıy sebep bolýy múmkin ekenin aıtady. Qajetti saraptamalar taǵaıyndalǵan.
Quqyq qorǵaý organdary júrgizýshilerdi qysqy kezeńde jol qozǵalysy erejelerin qatań saqtaýǵa jáne jyldamdyqty asyrmaýǵa shaqyrady.