Gaz salasyn damytý jóninde esep berildi
Prezıdent Qasym-Jomart Toqaev «QazaqGaz» UK» AQ Basqarma tóraǵasy Sanjar Jarkeshovti qabyldady, dep habarlaıdy Almaty-akshamy.kz Inform.kz-ke silteme jasap.
«Memleket basshysyna ishki naryqty taýarlyq gazben qamtamasyz etýge basymdyq berý jónindegi tapsyrmasynyń oryndalý barysy týraly esep berildi.
Sanjar Jarkeshov Qasym-Jomart Toqaevqa gaz salasyn damytýdyń keshendi josparynyń júzege asyrylý barysy jóninde baıandady. Atalǵan josparda resýrstyq bazany keńeıtý, elimizdegi gaz tasymaldaý ınfraqurylymyn jańǵyrtý jáne gaz salasyn reformalaý máseleleri qamtylǵan. Zańnamaǵa tıisti ózgerister jyl sońyna deıin engiziledi.
Memleket basshysy gaz salasyn damytýdyń keshendi josparyn odan ári júzege asyrýdy jalǵastyrý jáne Qashaǵan ken ornynda salynyp jatqan gaz óńdeý zaýytynyń qurylysyn jedeldetý jóninde tapsyrma berdi», - delingen Aqorda málimetinde.